غدوة

الليلة مانيش راقد. علاش نرقد وأنا نحلم وعينيا محلولة؟ علاش نرقد والحلم متاعي ما يتحقق الا ما تطلع الشمس؟ علاش اصلا نحلم والحقيقة احلى؟ بعد شوية بش نسمع البلاد، لا، العالم الكل صوتي. باش نولي كي نسافر نمد پاسپوري ونصيح انا تونسي. أنا مالبلاد الصغيرة بمواردها الكبيرة بناسها. أكالبلاد الي أثبتت إلي الشعب أقوى مالدولة و مالكرتوش وأقوى حتى مالحسابات الجيوسياسية. البارح واليوم و خاصة غدوة باش نعتي رايي في مستقبل بلادي وناقش اصحابي و أخواتي في احسن ثنية للحرية واسرع وسيلة باش تونس تسثمر عزيمة وعقولاة اولادها و بناتها باش توصل للبلاصة الي تستحقها.