Tounsi e5er fi Bériz

pour l occasion je v ecrire cette note bettounsi..lé lé mouch bel 3arbi, bettounsi :)
tawwa leyya modda melli chaddit essaf bjanb hakel grillage l5ther wechams techwi feyya wel 3ra99 ynakket 3ala hek essoureyya pierre cardin wena fi beli kima sfaret britanya tetfathel to93od testann fi sala climatise decorha ta7foun wou fiha fontaine fraiche eou distributeur de boissons.
essekritira rabbi yfathalha 5thetli rendez vous m3a ettes3a ou noss mchit ki ennes lmle7 fel wa9t 9bal bdraj ba3d ma kammalt rendez vous m3a client ye5i nel9a essaff kilometre ta7t echams wel mechi wou ejjey ytfarrej fi 5al5 rabbi el mou3athabouna fel arth. bsara7a tnou3ert wkarrazt metmanik 3la 3bed rabbi. kifech sfaret bled mel G8 elli y9ollek ma ta3malch 9a3et este9bel tli9 bi bani adam. ti netsawwer ken jew klebhom walla 9tateshom we9fou t7t echams walla ta7t echte hakkeka ray el SPA mta3 brijitte 9ayymet l9yema.
ti el7asilou kont bech nrawwa7 lel birou wnetsabbeb b-ay sbab bech n9oul ma5latech nsob lawra9 ken mouch rit une amie d enfance que j avais pas revu depuis longtemps chedda essaf heyya wommha w 5ouetha lbnet 9olt barra miselech echan9a m3a ejme3a 5le3a.
ba3d el 3asslema chnoua 7welek lebes t7allina fel 7keyet 7atta len wselna lfomm el beb mine de rien ba3d se3tin wou noss presque. ayya d5alna wou zedna stannina ama el marra hethi fi kresi wou sala kilmatise ama boustet bardo 5ir menha.
bsara7a el jaww ell l9itou fessfara ba55alni 3al mechya ena kont bech n5tar andounisia ama 9olt ti barra ki ettwensa lkoll nemchi na3mel 7ajja mondaine el bériz.
hetheka nhar wouhetha nhar l9it rou7i lioum n7ather fel veliga hazzit serwel wou zouz sweri (pierrre cardin zeda) lel 5edma wou sbedri wou djin lel ta7wis 3la 5ater neoui n5ayyatha no9ba no9ba. yomkonchi no3reth skydancer kattousa exblonde h&m walla etletha mleyen tounisi lo5rin elli fi beriz :) j espere ne pas me sentir trop depayse
7asilou bde ywalli ma55er 3leyya yelzemni nemchi nor9od welli l7keya l interesse atawwa nposti lb9eyya mba3d
wkima t9oul mammeti allah yer7amha taba taba wou 3am ejjey tjina saba :)